Türkmenistanyň Senagatçylar we telekeçiler partiýanyň Lebap welaýat komitetiniň gurnamagynda, Türkmenabat şäherindäki 2-nji saglyk öýünde we welaýat onkologiýa hassahanasynda Türkmenistanyň Senagatçylar we telekeçiler partiýasynyň Lebap welaýat komitetiniň işgärleriniň we medisina ulgamynda zähmet çekýän lukmanlaryň, şepagat uýalarynyň we partiýa agzalarynyň gatnaşmagynda TSTP-niň işjeň agzalaryny höweslendirmek we ýurdumyzyň ösen sepgidini wagyz etmek maksady bilen duşuşyk ýygnagy geçirildi. Wajyp wakalaryň we oňyn özgertmeleriň dabaralanýan günlerinde geçirilen bu duşuşykda, ýurdumyzda Akyldar şahyrymyz Magtymguly Pyragynyň doglan gününiň 300 ýyllyk baýramyna görülýän taýýarlyk işleri şeýle hem, täze 2024-nji ýylyň “Pähim paýhas ummany – Magtymguly Pyragy” diýlip atlandyrylmagy mynasybetli partiýa agzalary gutlanyldy. Şeýle-de medisina işgärleriniň we Partiýanyň agzalarynyň buýsançly çykyşlary diňlenildi. Duşuşygyň dowamynda Türkmenabat şäherindäki 2-nji saglyk öýünde we welaýat onkologiýa hassahanasynda zähmet çekýän partiýa agzalaryna partiýa tarapyndan taýýarlanan ýörite sowgatlar gowşuryldy. Duşuşygyň ahyrynda oňa gatnaşanlar halkymyz üçin ajaýyp zamanany döredip berenleri üçin Gahryman Arkadagymyza, Arkadagly Gahryman Serdarymyza tüýs ýürekden alkyş sözlerini aýdyp olaryň janlarynyň sag ömürleriniň uzak, il-ýurt bähbitli tutýan tutumly işleri has hem rowaçlyklara beslenmegini arzuw etdiler.