2023-nji ýylyň 4-nji maýynda Türkmenistanyň Senagatçylar we telekeçiler partiýasynyň Mary welaýat komitetini tarapyndan 1941–1945-nji ýyllaryň Beýik Watançylyk urşunda gazanylan Ýeňişiň 78 ýyllygy mynasybetli “Gahrymanlar baky ýaşar” atly şygar astynda welaýatyň çäginde ýaşaýan uruş weterany bilen duşuşyk geçirildi. Geçirilen bu duşuşykda uruş weterany sowgatlar gowşuryldy.
      Watan, ene toprak, milli Tugumyz biziň üçin belent mukaddesliklerdir. Bu asylly ýörelgeler bize Watany mukaddeslik saýyp, il-günüň abadan, ýurduň parahat, ene topragyň rysgal-bereketli, nesilleriň dowamat-dowam bolmagy ugrunda jan aýaman göreşen pederlerimizden miras galandyr. Halklaryň, şol sanda türkmen halkynyň başyna agyr hasraty, külpeti salan urşuň gutaranyna 78 ýyl geçenem bolsa, henizler hem onuň kalplara salan ýarasy bitenok. Agyr jeňde wepat bolan esgerleriň, mukaddes ojagyna dolanyp gelip, aramyzda gezip ýören uruş weteranlarynyň, gaýduwsyz, baýdak deý gyz-gelinlerimiziň gahrymançylyklary ýaş nesillere. nusgalykdyr. Halkymyz Watan üçin şirin janlaryny pida eden gahrymanlaryny unutmaýar. Olary ýatlamak biziň mukaddes
borjumyzdyr.