2022-nji ýylyň 24-nji maýynda Türkmenistanyň Senagatçylar we telekeçiler partiýasynyň Mary welaýat komitetiniň gurnamagynda Senagatçylar we telekeçiler birleşmesiniň welaýat bölüminiň mejlisler jaýynda “Parahatçylygyň we ynsanperwerligiň taglymatlary durmuşa geçirilýär” atly maslahat geçirildi. Çykyşlarda: “Halkyň Arkadagly zamanasy” ýylynda Garaşsyz, baky Bitarap Türkmenistanda ýurdumyzyň gülläp ösmegi, agzybir halkymyzyň parahat, abadan durmuşda ýaşamagy ugrunda giň gerimli işler alnyp barylýar, ähli ulgamlarda uly üstünlikler gazanylýar, berkarar döwletimiziň halkara abraýy barha belende göterilýär. Bagtyýar durmuşymyzyň şatlykly wakalary, geçirilýän halkara forumlar, hyzmatdaşlyklar agzybir halkymyzy beýik işlere höweslendirýär. Ata Watanymyzda amala aşyrylýan düýpli özgerişlikler döredijilikli we netijeli zähmet çekmäge ruhlandyrýar diýip aýtdylar. Çykyş eden myhmanlar maslahaty jemläp, Berkarar döwletimiziň bagtyýarlyk döwründe Hormatly Arkadagly Prezidentimiziň janynyň sag bolmagyny we il-ýurt bähbitli, durmuş ähmiýetli alyp barýan işlerinde üstünlikler arzuw etdiler.