2022-nji ýylyň 3-nji fewraly Türkmenistanyň Senagatçylar we telekeçiler partiýasynyň Mary welaýat komitetiniň gurnamagynda  “Datly şerbet” hususy kärhanasynda ýaşlary watançylyk, zähmetsöýerlik, belent ahlaklylyk ruhunda terbiýelemek maksady bilen, “Ýaşlar – ýurduň kuwwaty” atly düşündiriş-wagyz çäresi geçirildi. 

Çykyşlarda: Hormatly Prezidentimiziň ýaşlar üçin döredip beren ähli mümkinçiliklerinden ugur alyp ýurdumyzda watansöýüji, halal we maksada okgunly nesili kemala getirmek esasy wezipelerimiziň biri bolup durýar diýip belläp geçdiler. Ata-babalarymyzdan gelýän halallyk ýörelgelerini berkitmek, tertip-düzgünlerini, berjaý etmek barada giňden gürrüň etdiler. Berkarar döwletimiziň bagtyýarlyk döwründe Hormatly Arkadag Prezidentimiziň janynyň sag bolmagyny we il-ýurt bähbitli, durmuş ähmiýetli alyp barýan işlerinde üstünlikleri arzuw etdiler.