2021-nji ýylyň  16-njy dekabry Türkmenistanyň Senagatçylar we telekeçiler partiýasynyň Lebap welaýat komitetiniň hem-de Türkmenistanyň Senagatçylar we telekeçiler birleşmesiniň Lebap welaýaty boýunça bölüminiň bilelikde gurnamagynda birleşmäniň edara binasynyň mejlisler jaýynda Hormatly Prezidentimiziň Halkara Bitaraplyk güni hem-de Türkmenistanyň Bitaraplygynyň 26 ýyllygyna bagyşlanyp geçirilen “Parahatçylyk we ynanyşmak syýasaty – halkara howpsuzlygynyň, durnuklylygyň we ösüşiň binýady” atly halkara  maslahatynda hem-de kabul ediş dabarasynda eden çuňňur many-mazmunly çykyşyny halk köpçüligine düşündirmek boýunça “Hoşniýetlilik we ynsanperwerlik-Bagtyýar ýaşaýşyň gönezligidir” atly maslahat geçirildi.

  Maslahatda çykyş edenler öz çykyşlarynda  Hormatly Prezidentimiz Gurbanguly Berdimuhamedow Watanymyzyň Bitaraplyk hukuk derejesine esaslanýan döwlet syýasatyny halkymyzyň bagtyýar durmuşyny berkitmegiň möhüm binýady hökmünde kesgitledi. Türkmenistanyň başlangyjy boýunça Milletler Bileleşigi tarapyndan esaslandyrylan Halkara Bitaraplyk güni mynasybetli guralýan giň gerimli çäreler taryhy ähmiýetli wakalara beslendi. Mähriban Arkadagymyz Halkara Bitaraplyk güni mynasybetli “Ýaşasyn parahat durmuş!” atly ajaýyp şygryny bize, şanly baýrama serpaý ýapdy.  Ýeri gelende aýtsak, çeper döredijilik bilen meşgullanýan Gahryman Arkadagymyz türkmen halkynyň dünýä beren milli gymmatlyklaryny özüniň ajaýyp eserleriniň üsti taryhy we çuň manyly maglumatlary esaslanyp beýan edýär diýip buýsançly aýtdylar hem-de Halkara Bitaraplygymyzy dünýä dabaralandyran, milli gymmatlyklarymyza ýokary baha berýän Gahryman Arkadagymyzyň janynyň sag, ömriniň uzak tutumly işleriniň rowaç bolmagyny arzuw etdiler.