Şu gün Türkmenistanyň Senagatçylar we telekeçiler partiýasynyň  Mary welaýat komiteti tarapyndan birleşmäniň welaýat bölüminiň mejlisler jaýynda «Halk Maslahatynyň – Watanmyzyň rowaçlygyna, halkymyzyň abadançylygyna nazarlaýan tutumlary» atly düşündiriş-wagyz çäresi geçirildi. 

Döw­let­li iş­ler, tu­tum­ly baş­lan­gyç­lar ge­ňeş­li mas­la­ha­tyň ne­ti­je­sin­de ama­la aşy­ryl­ýar. Ýa­kyn­da türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gah­ry­man Ar­ka­da­gy­myzyň baş­lyk­lyk et­me­gin­de Türk­me­nis­ta­nyň Halk Mas­la­ha­ty­nyň Prezidiu­my­nyň mej­li­si ge­çi­ril­di. Onuň do­wa­myn­da Türk­me­nis­ta­nyň Halk Mas­la­ha­ty­nyň mej­li­si­ni, Ga­raş­syz­lygyň 34 ýyllyk toýuny hem­-de ýurdumy­zyň he­mi­şe­lik Bi­ta­rap­ly­gy­nyň 30 ýyl­lyk baý­ra­my­ny ýo­ka­ry de­re­je­de ge­çir­mek bo­ýun­ça me­se­le­le­riň giň top­lu­my ara alnyp   mas­la­hat­la­şyl­dy. 

Ata-­babalarymyzdan gelýän asylly ýörelgeler, agzybirlik ýoly barha rowaçlanýar. Çünki aýdyň maksatlar bilen röwşen geljegi gurmak, agzybirlik, döwletlilik jemgyýetiň berk binýadydyr. Gah­ry­man Ar­ka­da­gy­myz türk­men hal­ky­nyň asyl­ly däp-des­sur­la­ry­nyň bi­ri bo­lan    mö­hüm wezi­pe­le­ri ara alyp mas­la­hat­laş­ma­gyň müň­ler­çe ýyl bä­ri   hal­ky­my­zyň dur­mu­şyn­da do­wam edip gel­ýän de­mok­ra­tik däp­le­riň bi­ri­di­gini bel­le­di. Hä­zir­ki ta­ry­hy dö­wür­de bu däp­ler ýur­du­my­zyň    ösü­şi­nde ile­ri tu­tul­ýan we­zi­pe­le­ri çöz­mek­de jemgy­ýe­tiň he­re­ket­len­di­ri­ji güý­jü­ne öw­rülen­dir.

Çäräniň ahyrynda oňa gatnaşyjylaryň ählisi türkmen halky üçin ähli ugurda giň mümkinçilikleri döredip berýän Gahryman Arkadagymyza, Arkadagly Gahryman Serdarymyza çäksiz hoşallyklaryny bildirdiler.