Golaýda Türkmenistanyň Senagatçylar we telekeçiler partiýasynyň  Mary welaýat komiteti tarapyndan «Röwşen» hususy kärhanasynda «Türkmenistanyň Halk Maslahaty: halkyň bähbidine beýik işler» atly düşündiriş-wagyz çäresi geçirildi.

Çykyş edenler Türkmenistanyň Halk Maslahatynyň ähmiýeti, ýurdumyzda Gahryman Arkadagymyzyň, Arkadagly Gahryman Serdarymyzyň saýasynda alnyp barylýan il-ýurt bähbitli işleri dogrusynda nygtadylar. Olar çykyşlarynda Berkarar döwletiň täze eýýamynyň Galkynyşy döwründe ýurdumyzy ösdürmek maksady bilen alnyp barylýan işler barada giňişleýin gürrüň etdiler. Şeýle hem «Halkara parahatçylyk we ynanyşmak» ýylynda Türkmenistanyň Halk Maslahatyny ýokary derejede geçirmek boýunça hem-de hemişelik Bitaraplygymyzyň 30 ýyllygynyň toýuna görülýän taýýarlyk işleri dogrusynda nygtadylar.

Çäräniň ahyrynda oňa gatnaşyjylaryň ählisi türkmen halky üçin ähli ugurda giň mümkinçilikleri döredip berýän Gahryman Arkadagymyza, Arkadagly Gahryman Serdarymyza çäksiz hoşallyklaryny bildirdiler.