Türkmenistanyň Senagatçylar we telekeçiler partiýasynyň  Mary welaýat komiteti, Mary şäher häkimligi, Mary welaýat baş bilim müdirligi  bilen bilelikde gurnamagynda Mary şäherindäki «Ary» dynç alyş meýdançasynda baýramçylyk çäresi geçirildi. 

Baýramçylyk çäresi aýdym-sazlar we joşgunly tanslar bilen utgaşyp gitdi.  Bu baýramçylyk çäresinde Arkadagly Gahryman Serdarymyzyň baştutanlygynda parahat, abadan ýurdumyzda gülüp, oýnap ýaşaýan çagajyklary şadyýanja sesleri ýaňlanyp baýramçylyk çäresiniň owazasyny has-da belende galdyrdy. 

Dabarada çagalara dürli görnüşli süýjülikler, sowgatlar gowşurylýar. Özleri hakynda edilýän aladalary çuňňur kalby bilen duýýan körpe nesiller hormatly Prezidentimize hem-de Gahryman Arkadagymyza tüýs ýürekden alkyş aýtdylar.