Şu gün Türkmenistanyň Senagatçylar we telekeçiler partiýasynyň Mary welaýat komitetiniň gurnamagynda Halkara Bitaraplyk güni mynasybetli «Röwşen» hususy kärhanasynda «Jahana keşt edýär türkmeniň ady, Bitaraplyk-ösüşleriň binýady!» atly maslahat duşuşygy geçirildi.

Çykyş edenler hemişelik Bitaraplygymyzyň 29 ýyllygynyň dabaralanýandygy, Bitarap döwletimiziň halkara derejesindäki abraýynyň barha artýandygy, dünýä döwletleri bilen hoşniýetli, ynsanperwer gatnaşyklaryň öňe sürülýändigi dogrusynda giňişleýin gürrüň etdiler.

Maslahatyň dowamynda Gahryman Arkadagymyza, Arkadagly Gahryman Serdarymyza alkyşlar belentden ýaňlandy.