Hä­zir­ki aja­ýyp döw­rü­miz­de sag­dyn dur­muş ýö­rel­ge­le­ri ös­dü­ril­ýär, ýaş­lar spor­ta, be­den­ter­bi­ýä işjeň gatnaşýar. Yn­ha, her ýy­lyň 3-nji iýu­nyn­da Bü­tin­dün­ýä we­lo­si­ped gü­nü­ni bel­le­mek asyl­ly dä­be öw­rül­di. Bu se­nä­niň Türk­me­nis­ta­nyň baş­lan­gy­jy bo­ýun­ça Bir­le­şen Mil­let­ler Gu­ra­ma­sy­nyň Baş As­samb­le­ýa­sy ta­ra­pyn­dan esas­lan­dy­ry­lan­dy­gy­ny, bu wa­ka­nyň ýur­du­my­zyň yn­san­per­wer­lik ýö­rel­ge­le­ri­ni ke­ma­la ge­tir­ýän döw­let hök­mün­de hal­ka­ra de­re­je­sin­de dö­re­di­ji­lik we pa­ra­hat­çy­lyk dö­re­di­ji kuw­wa­ty­ny ýe­ne bir ge­zek äş­gär eden­di­gi­ni bel­le­mek ýa­kym­ly­dyr. Has ta­ky­gy, Bir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň 72-nji ses­si­ýa­sy­nyň 2018-nji ýy­lyň 12-nji ap­re­lin­de bo­lup ge­çen 82-nji mej­li­sin­de Türk­me­nis­ta­nyň baş­lan­gy­jy bi­len de­giş­li Ka­rar­na­ma ka­bul edil­di. Şol günden başlap bütindünýä boýunça bu halkara baýramçylyk giň gerimde bellenilip geçilýär. Sag­dyn­lyk ýö­rel­ge­le­ri­ne eýer­ýän ýur­du­myz­da köp­çü­lik­le­ýin be­den­ter­bi­ýe we sport çä­re­le­ri yzy­gi­der­li ge­çi­ril­ýär. Hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da sag­dyn dur­muş ýö­rel­ge­le­ri­niň ös­dü­ril­me­gi asyl­ly ýö­rel­ge­le­riň ro­waç­lan­ma­gy­na, ýaş­la­ryň sport bi­len meş­gul­lan­mak­la­ry­na giň müm­kin­çi­lik­le­riň dö­re­dil­ýän­di­gi­ne şa­ýat­lyk ed­ýär. Bu bol­sa ynsan sag­ly­gy­nyň ile­ri tu­tul­ýan­dy­gy­ny, ýaş­la­ryň sag­dyn, berk be­den­li bo­lup ke­ma­la gel­ýän­di­gi­ni gör­kez­ýär. Indi, her ýylyň 3-nji iýunynda Hormatly Prezidentimiziň gatnaşmagynda paýtagtymyzyň we ýurdumyzyň welaýatlarynyň ýaşaýjylarynyň müňlerçesiniň we­lo­si­ped­li ýö­rişi­ gurnalýar. Welosiped ekologiýa taýdan arassa, adamyň saglygyna täsirli bolmagy bu ulagyň ähmiýetini has-da artdyrýar. Munuň ýurdumyz boýunça hem ýokary netijeli görkezijilere eýedigini aýdyp bileris. Çünki häzirki wagtda welosiped, şonuň bilen baglylykda welosport ýurdumyzda dürli ýaşdaky raýatlarymyzyň, aýratyn hem, ýaşlaryň söýgüli güýmenjesine öwrüldi. Bu gün gözel paýtagtymyzyň nurana ýollarynda awtoulaglar bilen bilelikde welosiped sürýänleriniň sanynyň hem barha artýandygyny synlamak bolýar. Aşgabadyň seýilgählerinde ýörite welosiped zolaklary hem döredilýär. Belli baýramçylyk dabaralary mynasybetli hormatly Prezidentimiziň hut özüniň ýolbaşçylygynda ýörite guralýan welosipedli ýörişlere talyp ýaşlar we köpsanly ildeşlerimiz uly ruhubelentlik bilen gatnaşýarlar. Bütindünýä welosiped gününiň, şeýle-de welosipediň ýurdumyzyň täze taryhynda aýratyn ornunyň bardygyny bellemek gerek. Ginnesiň Bütindünýä rekordlar kitabynda ýurdumyzyň bu ugurda gazanan üstünlikleriniň mynasyp orny bardyr. 2018-nji ýylyň 1-nji iýunynda paýtagtymyzdaky köpugurly «Aşgabat» stadionynda welosport boýunça köpçülikleýin türgenleşik geçirilip, ol Ginnesiň Bütindünýä rekordlar kitabynyň wekilleri tarapyndan welosport boýunça dünýäde guralan iň köpçülikleýin tälim beriş sapagy hökmünde hasaba alyndy. 2019-njy ýylyň 1-nji iýunynda Aşgabadyň Olimpiýa şäherçesinde 2019 welosipedliniň iň dowamly bir nyzamly welosipedli ýörişi geçirilip, täze dünýä rekordy goýuldy. Hormatly Prezidentimiziň belleýşi ýaly, Bütindünýä welosiped güni dostlugyň we parahatçylygyň, sportuň hem-de ynsanperwerligiň belent ýörelgelerini dabaralandyrýan, jemgyýetimiziň agzybirligini, jebisligini alamatlandyrýan şanly sene hökmünde milli senenamamyzda aýratyn orun tutýar. Şol gün ýurdumyzyň ähli künjegi bilen birlikde, paýtagtymyzyň ýaşaýjylary hem guralýan sport çärelerine agzybirlikde, uly ruhubelentlik bilen gatnaşýarlar. Bu ugurda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Serdarymyzyň görkezýän şahsy göreldeleri biziň her birimiz üçin nusgalykdyr. Türkmenistany sportyň we sagdynlygyň mekany hökmünde dünýä tanadan, Türkmenistan watanymyzy bagtyýarlyk ýurduna öwüren Gahryman Arkadagymyzyň, Arkadagly Serdarymyzyň ömürleri uzak bolsun, ýurdumyzy mundan beýläkde belent sepgitlere ýetirmekde tutýan tutumly işleri mundan beýläk hem rowaç alsyn.