TÜRKMENISTANYŇ SENAGATÇYLAR WE TELEKEÇILER PARTIÝASY
Golaýda baky Bitaraplygymyzyň 25 ýyllygyna bagyşlanyp, öňdebaryjy telekeçileriň arasynda dabaraly maslahat geçirdik. Maslahatda çykyş edenler baky Bitarap Diýarymyzda telekeçilik ulgamyny hemmetaraplaýyn ösdürmegiň, öňdebaryjy bazar usullaryny giňden ornaşdyrmak arkaly hususy pudagyň milli ykdysadyýetimizde tutýan paýyny artdyrmagyň döwletimiziň alyp barýan durmuş-ykdysady syýasatynyň ileri tutulýan ugurlarynyň biridigini, bu ugurda Türkmenistanyň Senagatçylar we telekeçiler birleşmesiniň işewürleriniň ýurdumyzda bazar gatnaşyklarynyň has-da ösdürilmegi, öňdebaryjy tejribäni, ýokary tehnologiýany we innowasiýany önümçilige ornaşdyrmak arkaly içeri we daşary bazarda bäsdeşlige ukyply önümleri öndürmäge ýardam bermek ugrunda uly işleri amala aşyrýandygyny bellediler. Türkmenistanda kiçi we orta telekeçiligiň milli ykdysady giňişlikde mynasyp orun eýelemeginiň ýurdumyzyň ösüşiň has ýokary basgançaklaryna ynamly çykmagyna kuwwatly itergi berýändigini, munuň bolsa baky Bitarap döwletimiziň mundan beýlägem gülläp ösmegini we halkara abraýyny barha ýokarlandyrmagyny üpjün etmäge zerur şertleri döredýändigini nygtadylar. Hemişelik Bitaraplygymyzyň 25 ýyllygyny zähmet üstünlikleri bilen garşylamaga taýýarlanýan telekeçiler döwlet Baştutanymyza bu pudagy ösdürmäge berýän goldawy üçin alkyş sözerini aýtdylar.
Toýmämmet HAJYÝEW
