Türkmenistanyň Senagatçylar we telekeçiler partiýasynyň Balkan welaýat komitetiniň gurnamagynda Bereket etrabynyň Çeper halyçylyk kärhanasynyň mejlisler jaýynda Bütindünýä saglyk güni mynasybetli “Raýatlaryň saglygy-ýurduň baýlygy” atly maslahat geçirildi. Ýurdymyzda iň gymmatly baýlyk hasaplanýan ynsan saglygyny goramakda, halkyň abadançylygyny üpjün etmekde, keselleriň öňüni almakda we olary ýok etmekde, saglygy goraýyş we derman senagaty pudagyny dünýä derejesinde ösdürmekde giň gerimli işler amala aşyrylýar. Häzirki zaman saglygy goraýyş merkezleri, hassahanalar, saglyk öýleri gurulyp ulanylmaga berilýär. Bu zatlaryň sakasynda duran Türkmeniň Milli Lideri Gahryman Arkadagymyzyň, Arkadagly Serdarymyzyň janlary sag, ömürleri uzak, tutýan tutumly işleri mundan beýläk hem rowaçlyklara beslensin.