Türkmenistanyň Senagatçylar we telekeçiler partiýasynyň Balkan welaýat komitetiniň gurnamagynda Senagatçylar we telekeçiler birleşmesiniň welaýat bölüminiň mejlisler jaýynda akyldar şahyr Magtymguly Pyragynyň 300 ýyllygy mynasybetli “Magtymguly Pyragy – köňülleriň şahyry” atly döredijilik duşuşygy geçirildi. 2024-nji ýylda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy ýokary derejede guramaçylykly belleniler. Biz hem Türkmenistanyň Senagatçylar we telekeçiler partiýasy tarapyndan Magtymguly Pyragynyň 300 ýyllyk ýubileýiniň bellenilmegi mynasybetli wagyz-nesihat duşuşyklary geçirilýär. Çäreler diňe bir ýurdumyzda geçirilmän eýsem dünýä derejelerinde hem geçiriler. Oňa gatnaşyjylar Arkadagly Serdarymyzyň we Milli Lidermiziň dünýäni haýrana goýýan ajaýyp işleriniň has-da rowaçlanmagyny, beýik-beýik işleriň dowamat-dowam bolmagyny arzuw etdiler. Hormatly Prezidentimiziň we Gahryman Arkadagymyzyň janlary sag, ömürleri uzak bolup, il-ýurt bähbitli alyp barýan işleri elmydama rowaç almagyny arzuw etdiler.