Şu gün Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler birleşmesiniň bilelikde gurnamagynda partiýanyň mejlisler jaýynda hususy pudagyň wekilleriniň gatnaşmagynda Bütindünýä welosiped güni mynasybetli maslahat geçirildi.

Berkarar döwletiň täze eýýamynyň Galkynyşy döwründe, durnukly ösüşiň, parahatçylygyň  we rowaçlygyň belent belentliklerine  ynamly öňe barýan merdana halkymyz uly dabaralara beslenýän ýene bir ajaýyp baýramy –– Bütindünýä welosiped  gününi uly buýsanç we ruhubelentlik bilen garşylaýar. Şu gün bütin dünýäde giňden bellenilýän bu halkara baýram, ýurdumyzyň sport arkaly parahatçylygy, dostlugy we ynsanperwerligi dabaralandyrýan dünýä derejeli başlangyçlarynyň aýdyň subutnamasydyr. Welosiped sporty diňe bir sagdyn durmuş ýörelgesi bolman, eýsem bütin adamzady agzybirlige, dostluga we tebigat bilen sazlaşykda ýaşamaga çagyrýan üznüksiz hereketdir. Şu Halkara baýramy mynasybetli, ak mermerli paýtagtymyz Aşgabatda we gözel ýurdumyzyň ähli künjeklerinde badalga alýan welosiped ýörişleri her bir ynsanyň göwün guşuny ganatlandyrýar. Ýaş nesillerimiziň, talyp ýaşlarymyzyň hem-de tutuş halkymyzyň bir hatarda jemlenip, ruhubelentlik  bilen öňe  tarap barýanlygy –– Berkarar döwletimiziň sagdynlyga we bagtyýarlyga tarap ynamly gadamlarynyň aýdyň subutnamasydyr.

Maslahatyň ahyryda ýurdumyzy sporty ösdürmekde, sagdyn durmuş ýörelgesini durnukly şeýle hem dünýä derejesinde dabaralandyrmakda nusgalyk işleri durmuşa geçirýän Gahryman Arkadagymyza Arkadagly Gahryman Arkadagly Serdarymyza köp sabolsunymyzy aýdýarys. 

Goý, türkmen halkynyň Milli Lideri Gahryman Arkadagymyzyň Arkadagly Gahryman Serdarymyzyň janlary sag, ömürleri uzak tutýan tutumly işleri il-ýurt bähbitli umumadamzat ähmiýetli işleri rowaçlyklara beslensin!