Türkmenistanyň Senagatçylar we telekeçiler partiýasynyň Mary welaýat komitetiniň guramagynda welaýat çagalar hassahanasynda Bütindünýä saglyk güni mynasybetli wagyz-nesihat duşuşygy geçirildi. 

Duşuşykda sagdyn durmuş ýörelgeleri barada söz açylyp, bedenterbiýe we sport bilen meşgullanmagyň ynsan saglygyna uly täsiriniň bardygy, adam bedeniniň berkemeginde, ýaşlaryň çuňňur pikirlenmek, netije çykarmak endiklerini, ugurtapyjylygyny, çeýeligini ösdürýändigi, ýaş nesliň sagdyn ösüp kemala gelmegine ýardam edýändigi dogrusynda täsirli gürrüň edildi. 

Duşuşyga gatnaşanlar jemgyýetimizde sagdyn durmuş ýörelgeleriniň berkarar bolmagy, sport-sagaldyş hereketiniň dabaralanmagy ugrunda taýsyz tagalla edýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutýan işleriniň rowaçlyklara beslenmegini arzuw etdiler.