Şu gün Türkmenistanyň Senagatçylar we telekeçiler partiýasynyň Mary welaýat komitetiniň, Senagatçylar we telekeçiler birleşmesiniň Mary welaýat bölüminiň bilelikde gurnamagynda «Türkmenistan Galkynyşyň we bagtyýarlygyň ýurdy» atly wagyz-nesihat çäresi geçirildi.

Hormatly Prezidentimiz Arkadagly Gahryman Serdarymyzyň alyp barýan döwlet syýasatynda behişdi bedewlere uly üns berilmegi gadymy halkymyzyň ruhy bitewiligini mundan beýläkde pugtalandyrmaga gönükdirilendir. Şonuň üçinem 2026-njy ýylyň «Garaşsyz, baky Bitarap Türkmenistan — bedew batly at - myradyň mekany» diýlip atlandyrylmagy il-günümizde ýokary ruhubelentligi döretdi. Berkarar döwletiň täze eýýamynyň Galkynyşy döwrüniň ýyllarynda hormatly Prezidentimiziň baştutanlygynda eziz Watanymyz bedew bady bilen ynamly öňe barýar. Gadymy halkymyz özüniň uçar ganaty hasaplaýan behişdi bedewlere aýratyn sarpa goýýar. Garaşsyz, baky Bitarap döwletimiziň döredijilik kuwwaty, abadan geljegimize tarap ynamly gadamlary batly bolsun!

Halkymyza eşretli durmuşy peşgeş beren Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!