Türkmenistanyň Senagatçylar we telekeçiler partiýasynyň Mary welaýat komitetiniň gurnamagynda «Ajap önüm» hojalyk jemgyýetinde  «Halk Maslahaty – müdimi ýol-ýörelgämiz» atly wagyz-nesihat duşuşygy geçirildi. 

Duşuşykda Türkmenistanyň Halk Maslahatynyň Prezidiumynyň «Türkmenistanyň Halk Maslahatynyň mejlisini çagyrmak we guramaçylykly geçirmek hakynda» Kararyna laýyklykda, «Pähim-paýhas ummany Magtymguly Pyragy» ýylynyň 24-nji sentýabrynda paýtagtymyzda Halk Maslahatynyň nobatdaky mejlisi geçiriler. Şonuň bilen baglylykda, duşuşyga gatnaşanlar Halk Maslahatynyň nobatdaky mejlisiniň ähmiýeti barada gürrüň edip, umumymilli forumda kabul ediljek çözgütleriň möhüm ornuna ünsi çekdiler.

Işjeňlikde geçen duşuşyga gatnaşanlar Türkmenistanyň Halk Maslahatynyň nobatdaky mejlisiniň işine üstünlik arzuw edip, Watanymyzyň ykdysady kuwwatynyň has-da pugtalanmagy, şan-şöhratynyň arşa göterilmegi, halkymyzyň eşretli durmuşyň hözirini görüp ýaşamagy ugrunda taýsyz tagalla edýän hormatly Prezidentimiziň we Gahryman Arkadagymyzyň adyna alkyş sözlerini aýtdylar.