2024-nji ýylyň 19-njy ýanwarynda Türkmenistanyň Senagatçylar we telekeçiler partiýasynyň Mary welaýat komitetiniň hem-de Türkmenistanyň Agrar partiýasynyň Mary welaýat komitetiniň bilelikde gurnamagynda Baýramaly etrabynda ýerleşýän daýhan hojalygynyň zähmetkeşleriniň arasynda “Pyragy hem Arkadag – ömrümize şamçyrag” atly wagyz-nesihat duşuşygy geçirildi.

Hormatly Prezidentimiziň ýöredýän ykdysady syýasaty ýurdumyzyň halk hojalygynyň ähli pudaklarynda amal edilýän özgertmelerde rowaçlanýar. Ýurdumyzda bazar gatnaşyklarynyň ösdürilmegine uly üns berlip, hususyýetçiligiň kuwwatly öndüriji güýç hökmünde bähbitli işleriniň üstünliklere beslenmeginde ähli tagallalar edilýär. Döwlet tarapyndan berilýän goldaw-ýardamyň netijesinde telekeçilerimiz bäsleşige ukyply önümleri we harytlary öndürmekde, şeýle harytlary daşary bazarlara eksport etmekde uly işleri bitirýärler. Telekeçilerimiziň yhlas-tagallalary bilen il-günümiziň ýokary hilli harytlara, önümlere, hyzmatlara ösýän islegini doly kanagatlandyrmakda guwançly netijeler gazanylýar. Üstümizdäki ýylyň «Pähim- -paýhas ummany Magtymguly Pyragy» diýlip atlandyrylmagy uly ilimiz bilen birlikde, telekeçilermizde-de guwanç duýgusyny döretdi. Akyldar şahyrymyz Magtymguly Pyragynyň doglan gününiň 300 ýyllygynyň halkara derejesinde belleniljek baýramçylygyna welaýat komitetimiz tarapyndan ykjam taýýarlyk görülýär. Biz bu senäni taýýarlykly garşylap, guramaçylykly geçirmek üçin ähli tagallalary edýäris. 

Halkymyzyň abadan ýaşaýşy, Diýarymyzyň gülläp ösmegi ugrunda edýän uly tagallalary üçin Arkadagly Gahryman Serdarymyza hem-de Milli Liderimize alkyşlar il-ulsumyzyň kalbynyň owazydyr.