Şu ýylyň 21-nji noýabrynda Türkmenistanyň Senagatçylar we telekeçiler partiýasynyň edara binasynyň mejlisler jaýynda Türkmenistanyň Senagatçylar we telekeçiler partiýasynyň Aşgabat şäher komitetiniň gurnamagynda agzalaryň arasynda hukuk düşünjeligi kämilleşdirmek maksady bilen “Telekeçilik işiniň - hukuk binýady” atly tejribe alyşmak duşuşygy geçirildi. Duşuşygyň dowamynda Türkmenistanyň Senagatçylar we telekeçiler partiýasynyň agzalaryna telekeçilik işiniň hukuk binýady boýunça giň düşünje gazanmaklary üçin “Telekeçilik işiniň hukuk esaslary esaslary”, “Telekeçilik işiniň - hukuk binýady”, “Telekeçilik işindäki kada kanunlar” barada, mundan başga-da telekeçilik işini döwlet tarapyndan düzgünleşdirmek we goldamak baradaky kanunçylyk namalary barada giň möçberli maglumatlar berildi. Şeýle hem telekeçilik işini alyp barmakda ýüze çykýan hukuk gatnaşyklar barada gürrüň edildi. Duşuşygyň ahyrynda oňa gatnaşanlar telekeçilik işini alyp barmak üçin giň mümkinçilikler döredip berýän Hormatly Prezidentimize öz sagbolsunlaryny we alkyş sözlerini aýtdylar.