2023-nji ýylyň 5-nji sentýabrynda Türkmenistanyň Senagatçylar we telekeçiler partiýasynyň Merkezi Geňeşiniň mejlisler jaýynda Türkmenistanyň Senagatçylar we telekeçiler partiýasynyň hem-de Türkmenistanyň Senagatçylar we telekeçiler birleşmesiniň bilelikde gurnamagynda “Milli Garaşsyzlyk we Hususy ulgam” atly maslahat geçirildi hem-de şol ýerde Türkmenistanyň Senagatçylar we telekeçiler partiýasynyň işjeň agzalarynyň el hünäriniň sergisi gurnaldy. Maslahatyň dowamynda oňa gatnaşanlar Berkarar döwletiň täze eýýamynyň Galkynyşy döwründe ýurdumyzyň ykdysadyýetini ösdürmekde belent sepgitlere ýetilip, ägirt uly üstünlikler gazanylýandygy barada belläp, milli ykdysadyýetimiziň has-da kuwwatlanmagynda uly ähmiýeti bolan telekeçiligi ösdürmäge hem uly üns berilýändigi dogrusynda gürrüň etdiler. Ýagny Arkadagly Serdarymyzyň ýolbaşçylygynda döwletimizde giň gerimde ösüşleri nazarlaýan maksatnamalary üstünlikli durmuşa geçirmäge ýurdumyzyň altyn gaznasy bolan telekeçiler hem öz goşantlaryny goşýandygy, dürli ugurlarda iş alyp barýan telekeçilere döwlet tarapyndan ýeňillikleriň berilmegi olaryň iş geriminiň giňemegine döredýän şertleriň ähmiýeti barada gürrüň etdiler. Şeýle hem, türkmen telekeçileriniň öndürýän önümleri daşary ýurtlardan getirilýän önümlerden pesde durman, olara isleg barha artýandygy, munuň özi bolsa Hormatly Prezidentimiziň türkmen telekeçilerine bildiren ynamynyň miwesi diýip uly buýsanç bilen gürrüň etdiler. Maslahatyň ahyrynda oňa gatnaşanlar telekeçilerimize işlemäge giň ýol we mümkinçilikler döredip beren Gahryman Arkadagymyza hem-de Arkadagly Serdarymyza öz sag bolsunlaryny aýdyp, olaryň janlarynyň sag, ömürleriniň uzak bolmagyny, tutýan tutumly işleriniň mundan beýläkde rowaç almagyny tüýs ýürekden arzuw etdiler.