Şu gün “Gülzaman” toý mekanynda Türkmenistanyň Senagatçylar we telekeçiler partiýasynyň Aşgabat şäher komitetiniň, Aşgabat şäheriniň Köpetdag etrap häkimliginiň hem-de “Aýdyň gijeler” hojalyk jemgyýetiniň bilelikde gurnamagynda Türkmenistanyň Garaşsyzlygynyň 32 ýyllygy mynasybetli “Garaşsyzlyk owazyna halkymyz jebisleşýär, Arkadagly Serdarymyzyň waspyna aýdym joşýar” atly aýdym sazly baýramçylyk dabarasy geçirildi. Dabaranyň dowamynda baş baýramçylygymyz Garaşsyzlygymyzy şeýle hem ajaýyp zamanamyzy we bagtyýar halkymyzy wasp edip birnäçe aýdym-saz şekilleri ýerine ýetirildi. Dabaranyň ahyrynda oňa gatnaşanlar halkymyza ajaýyp zamanany peşgeş bereni üçin Gahryman Arkadagymyza hem-de Arkadagly Serdarymyza öz sag bolsunlaryny aýdyp, mundan beýläkde Watanymyzy ösdürmek ugrunda alyp barýan işleriniň rowaçlyklara beslenmegini arzuw etdiler.