Şu gün Türkmenistanyň Senagatçylar we telekeçiler partiýasynyň Merkezi Geňeşiniň edara binasynyň mejlisler jaýynda Türkmenistanyň Senagatçylar we telekeçiler partiýasynyň Merkezi Geňeşiniň hem-de Türkmenistanyň Senagatçylar we telekeçiler birleşmesiniň bilelikde gurnamagynda ylymlar güni mynasybetli maslahat geçirildi.

Çäräniň dowamynda oňa gatnaşyjylaryň birnäçesi çykyş etdiler. Olar öz çykyşlarynda berkarar Watanymyzyň ählumumy ösüşleri we ylym ulgamynyň gurluşy, ýurdumyzyň ylymda-bilimde gazanýan ösüşleri, täze innowasiýalardan baş çykarýan hünärmenleri taýýarlamak üçin alnyp barylýan işler barada beýan etdiler.

Maslahatyň soňunda oňa gatnaşanlar hususy ylym-bilim ulgamyny ösdürmekde alyp barýan işleri üçin, hormatly Prezidentimize öz sag bolsunlaryny aýdyp, halk bähbitli, döwlet, halkara ähmiýetli amala aşyrýan ajaýyp işleriniň mundan beýläk hem rowaç almagyny tüýs ýürekden arzuw etdiler.