2022-nji ýylyň fewral aýynyň 4-ine “Abadan haly” açyk gömüşli paýdarlar jemgyýetinde Türkmenistanyň Senagatçylar we telekeçiler partiýasynyň Aşgabat şäher komitetiniň gurnamagynda Türkmenistanyň Milli Geňeşiniň Halk Maslahatynyň nobatdan daşary mejlisiniň ähmiýetini wagyz etmek maksady bilen, “Hormatly Prezidentimiziň ynsanperwer syýasaty - bagtyýar durmuşyň gözbaşy” atly maslahaty geçirildi, şeýle hem sagdyn durmuş ýörelgesi barada wagyz-nesihat düşündiriş işleri geçirildi. 

Maslahatda çykyş edenler 2022-nji ýylyň 11-nji fewralynda geçiriljek Türkmenistanyň Milli Geňeşiniň Halk Maslahatynyň nobatdan daşary mejlisiniň geçirilmeginiň Gahryman Arkadagymyzyň alyp barýan parasatly we öňdengörüjilikli syýasatynyň alamatydygyny belläp, onuň bu syýasatynyň aňyrsynda halkyň bähbitleriniň bardygyny bellediler

Maslahata gatnaşanlar berkarar Watanymyzyň abraýyny Ýer ýüzünde belentden belende galdyrýan hormatly Arkadag Prezidentimiziň belent başynyň aman, röwşen ömrüniň uzak, il-ýurt bähbitli, döwlet ähmiýetli işleriniň rowaçlyklara beslenmegini tüýs ýürekden arzuw etdiler!