2021-nji ýylyň 1-nji dekabrynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Türkmenabat şäheriniň saglygy dikeldiş okuw terbiýeçilik toplumynyň uly zalynda 2022-nji ýyly «Halkyň Arkadagly zamanasy» diýip atlandyrmak baradaky teklibi goldap maslahat geçirildi. 

Maslahatda çykyş edenler Hormatly Prezidentimiziň aladalary bilen biziň her birimiz ajaýyp zamanada, eşretli durmuşda ýaşaýarys. Dünýä ýurtlaryny haýrana galdyrýan ösüş-özgerişlikler, durmuşa geçirilýän döwletli işler, gazanylýan şanly rowaçlyklar durmuşymyza nur çaýýar. Ýurdumyzyň ykdysadyýetiniň ähli pudaklarynda, durmuş-medeni ugurlarda guwandyryjy üstünlikler gazanylýar. Diýarymyzyň durmuş ulgamlarynyň ählisini öz içine alýan düýpli özgertmeleriň we giň gerimli maksatnamalaryň üstünlikli amala aşyrylmagynyň ählisiniň gözbaşynda eziz Arkadagymyzyň ýiti öňdengörüjiligi, halkyna bolan çäksiz söýgüsi, ýadawsyz aladalary dur. Munuň üçin biz eziz Arkadagymyza çäksiz alkyş aýdýarys. 2022-nji ýyly «Halkyň Arkadagly zamanasy» diýip atlandyrmak baradaky asylly teklibi tüýs ýürekden goldaýandyklary baradaky ýürek buýsançlaryny aýtdylar.