2021-nji ýylyň 20-nji oktýabrynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda, “Türkmenhimiýa” Döwlet konserniniň Türkmenabat şäherindäki tehniki orta hünär okuw mekdebinde ýaşlaryň işlerine maýa goýumlaryny gönükdirmek, geljekde ýaşlarymyza sebitleri hem-de tutuş ýurdumyzy dolandyrmak we ösdürmek işine mundan beýläk-de işjeň gatnaşmagyna mümkinçilik bermek maksady bilen, “Ýaşlar ýurdumyzyň geljegi, ösüşlerimiziň gözbaşy” atly duşuşyk geçirildi.

    Duşuşykda “Türkmenhimiýa” Döwlet konserniniň Türkmenabat şäherindäki tehniki orta hünär okuw mekdebiniň mugallymlary we talyplary çykyş edip, Berkarar döwletimiziň bagtyýarlyk döwründe Gahryman Arkadagymyz gije-gündiz halkyň aladasy bilen ýaşaýar. Ýurdumyzda ýaşlarymyzyň ylymly-bilimli, täze tehnologiýalardan baş çykarýan, arassa ahlakly, watansöýüji ýaşlar bolup ýetişmegi ugrunda uly aladalar edýär. Munuň üçin biz Gahryman Arkadagymyza çäksiz alkyş aýdýarys diýip buýsançly aýtdylar. Çykyşlaryň dowamynda ähli şertleri döredip berýän Gahryman Arkadagymyzyň jany sag, ömri uzak, tutumly işleri rowaç bolmagyny arzuw etdiler.