Golaýda Türkmenistanyň Senagatçylar we telekeçiler partiýasynyň Arkadag şäheriniň komitetiniň, Aba Annaýew adyndaky Halkara atçylyk akademiýasynyň bilelikde gurnamagynda talyp ýaşlaryň arasynda brifing bäsleşigi geçirildi. Bäsleşigiň dowamynda talyp ýaşlarymyz özleriniň taýýarlan taslamalaryny görkezdiler we taslamalar boýunça çykyşlaryny ýerine ýetirdiler. Şeýle hem bäsleşigiň dowamynda özleriniň taslamalary bilen aýratyn tapawutlanan baýrakly orunlara mynasyp bolan talyp ýaşlarymyza Türkmenistanyň Senagatçylar we telekeçiler partiýasynyň Arkadag şäheriniň komiteti tarapyndan sowgatlar gowşuryldy. Bäsleşige gatnaşyjylar özleriniň ukyp başarnyklaryny görkezmekde şeýle uly mümkinçilikleri döredip berýän Milli Liderimiz Gahryman Arkadagymyza hem-de hormatly Prezidentimiz Arkadagly Gahryman Serdarymyza köp sagbolsunlaryny aýtdylar.