Şu gün Türkmenistanyň Senagatçylar we telekeçiler partiýasynyň Balkan welaýatynyň Bereket etrap komitetiniň gurnamagynda etrabyň Tikin fabriginiň mejlisler jaýynda «Türkmenistanyň Halk Maslahatynyň döwlet gurluşyndaky we jemgyýetçilik durmuşyndaky möhüm orny» atly maslahat duşuşygy geçirildi.

Duşuşykda Halk Maslahatynyň milli demokratiýany we syýasy-durmuşy özgerişleri täze basgançaklara çykarmakdaky eýeleýän orny, şeýle hem il-ýurt bähbitli beýik maksatnamalaryň we kararlaryň durmuşa geçirilişi hakynda durlup geçildi.

Maslahatyň soňunda oňa gatnaşyjylar halkymyzyň bagtyýar gelejegi, ýurdumyzyň gülläp ösmegi ugrunda beýik özgerişleri amala aşyrýan Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza hem-de Hormatly Prezidentimiz Arkadagly Gahryman Serdarymyza sagbolsunlaryny beýan etdiler. Gahryman Arkadagymyzyň, Hormatly Prezidentimiziň janlarynyň sag, ömürleriniň uzak, il-ýurt bähbitli belent işleriniň rowaçlanmagyny arzuw etdiler.