Şu gün Türkmenistanyň Senagatçylar we telekeçiler partiýasynyň Balkan welaýat komitetniň gurnamagynda Balkanabat şäherindäki «Batly-Gadam» hususy kärhanasynyň mejlisler jaýynda Türkmenistanyň Halk Maslahatynyň nobatdaky mejlisiniň taryhy, syýasy-jemgyýetçilik ähmiýetini giň halk köpçüligine düşündirmek, maksady bilen wagyz-nesihat çäresi geçirildi. Ýurdumyzda durmuşa geçirilýän özgertmeler halkymyzyň arzuw-isleglerinden ugur alyp, Gahryman Arkadagymyzyň «Döwlet adam üçindir!», Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen ajaýyp ýörelgeleriniň günbe-günden rowaçlyklara beslenýändigini görkezýär. 15-nji iýulda türkmen halkynyň Milli Lideri Gahryman Arkadagymyzyň geçiren Türkmenistanyň Halk Maslahatynyň Prezidiumynyň mejlisi munuň nobatdaky subutnamasy boldy. Iliň, ýurduň bähbidi üçin geňeş etmek, geçirilýän şol geňeşiň barşynda hem amala aşyrylan işlere ser salyp, geljekki wezipeleri kesgitleýän çözgütleri kabul etmek halkymyzyň asyrlarboýy mizemez ýörelgesi bolup gelýär. Bu asylly ýörelgäniň ajaýyp zamanamyzda dowamat-dowam bolýandygyny görkezen mejlisde Gahryman Arkadagymyzyň Türkmenistanyň Halk Maslahatynyň mejlisini çagyrmak hakynda Karara gol çekmegi we Halk Maslahatynyň mejlisine taýýarlyk görmek bilen bagly esasy ugurlar barada durup geçmegi ýurdumyzy ösdürmek, halkymyzyň ýaşaýyş-durmuş şertlerini ýokary derejelere çykarmak boýunça taýsyz tagallalaryň edilýändiginiň aýdyň güwäsi bolup, ähli ugurlarda ösüşiň täze belentliklerine ýetmegiň badalgasy boldy. Halkymyzyň bagtyýarlygyny ähli zatlardan ileri tutýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, döwletli işleri uly üstünliklere beslensin!