Şu gün Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler birleşmesiniň bilelikde gurnamagynda partiýanyň mejlisler jaýynda maslahat duşuşygy geçirildi. Garaşsyz, hemişelik Bitarap Türkmenistan döwletimiz bu günki gün berkararlygyň, parahatçylygyň hem-de okgunly ösüşleriň aýdyň ýoly bilen ynamly öňe barýar. Ýurdumyzda alnyp barylýan parasatly döwlet syýasaty netijesinde Türkmenistanyň ykdysady, medeni, ylym-bilim we sport ulgamlary yzygiderli ösdürilýär. Ýurdumyzda döwrebap mekdepler, çagalar baglary, hassahanalar, ýaşaýyş jaýlary we önümçilik desgalary gurlup ulanmaga berilýär. Bu işler halkymyzyň ýaşaýyş-durmuş derejesiniň has-da ýokarlanmagyna, ýaşlaryň döwrebap bilim alyp, öz ukyp-başarnyklaryn ösdürmegine giň mümkinçilikleri döredýär. Hormatly Prezidentimiz ýaş nesliň watançylyk ruhunda terbiýelenmegine, milli däp-dessurlarymyzyň goralmagyna we halkara hyzmatdaşlygynyň ösdürilmegine uly üns berýär. Şonuň netijesinde Türkmenistan dünýä döwletleri bilen dostlukly gatnaşyklary pugtalandyrýar we parahatçylygy goldaýan syýasaty alyp barýar. Maslahatyň ahyrynda ýurdumyzy beýik ösüşlere hem-de parahat geljege ynamly alyp barýan Gahryman Arkadagymyza, Arkadagly Gahryman Serdarymyza köp sagbolsun aýdýarys! Goýtürkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň janlary sag, ömürleri uzak bolsun! Tutýan tutumly işleri elmydama rowaçlyklara beslensin!