2021-nji ýylyň 11-nji martynda Türkmenistanyň Senagatçylar we telekeçiler partiýasynyň Aşgabat şäher komitetiniň, Türkmenistanyň Senagatçylar we telekeçiler birleşmesiniň Aşgabat şäheri we Ahal welaýaty boýunça bölüminiň hem-de Türkmenistanyň Inžener- tehniki we ulag kommunikasiýalary institutynyň gurnamagynda ,,Ýaş telekeçiler biziň buýsanjymyzdyr” atly maslahat duşuşygy geçirildi. Bu maslahat 2020-nji ýylyň 16-njy dekabrynda hormatly Prezidentimiziň ýurdumyzyň syýasy-jemgyýetçilik guramalarynyň ýolbaşçylarynyň gatnaşmagynda sanly wideoaragatnaşyk arkaly geçiren iş maslahatynda tehnologik ösüş we bazar gatnaşyklaryna geçilýän häzirki döwürde ýaşlaryň giň toparyny telekeçilik işine çekmekde degişli işleriň alnyp barmalydygy barada beren tabşyryklary ýerine ýetirmegiň çäklerinde geçirildi.

Maslahata ,,Bir dünýä” hojalyk jemgyýetiniň başlygy Ahmetjan Möwlamow gatnaşdy. Ol ýurdumyzda logistika babatynda döwlet syýasaty dogrusynda hem-de öz kärhansynyň alyp barýan işleri barada giňişleýin gürrüň berdi. Maslahatyň ahyrynda sorag-jogaplar alyşyldy.