Şu gün Türkmenistanyň Senagatçylar we telekeçiler partiýasynyň mejlisler jaýynda Türkmenistanyň Senagatçylar we telekeçiler partiýasynyň hem-de Senagatçylar we telekeçiler birleşmesiniň bilelikde gurnamagynda «Türkmenistan – ýurtlaryň arasynda dostluk we ynanyşmak köprüsi» atly maslahaty geçirildi.

Maslahatyň dowamynda çykyş edenler ýaňy ýakynda «Awaza» milli syýahatçylyk zolagynda ýokary derejede geçirilen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyň taryhy ähmiýeti barada giňişleýin aýdyp geçdiler. 

Maslahata Türkmenistanyň Halk Maslahatynyň agzalary, Türkmenistanyň Mejlisiniň deputatlary, ylymlar akademiýasynyň, Türkmenistanyň Magtymguly adyndaky Ýaşlar guramasynyň, hususy ulgamyň wekilleri gatnaşdylar. 

Maslahatyň ahyrynda oňa gatnaşyjylar eşretli durmuşy peşgeş beren Gahryman Arkadagymyza, Arkadagly Gahryman Serdarmyza sagbosunlaryny aýtdylar.