Golaýda Türkmenistanyň Senagatçylar we telekeçiler partiýasynyň Balkan welaýatynyň Bereket etrap komitetiniň gurnamagynda Bereket çeper halyçylyk kärhanasynyň mejlisler jaýynda wagyz-nesihat duşuşygy geçirildi.

Duşuşyk 4-8-nji awgust aralygynda Awaza milli syýahatçylyk zolagynda geçirilýän  BMG-niň Deňze çykalgasy bolmadyk ösüp barýan döwletler boýunça üçünji maslahatyna bagyşlandy.

«Awaza» milli syýahatçylyk zolagynda geçirilen BMG-niň Deňze çykalgasy bolmadyk ösüp barýan döwletler boýunça üçünji maslahaty ýurdumyzyň dost-doganlygyň mekanydygyny ýene bir gezek subut etdi. Çykyş edenler maslahatyň dürli ugurlarda hyzmatdaşlyk gatnaşyklaryny giňeltmekde hem-de ösdürmekde täze sahypalary we mümkinçilikleri açandygyny belläp geçdiler, şeýlede-de uly halkara ähmiýetini aýratyn nygtadylar. Türkmen topragynda ýokary guramaçylykda geçirilen forum Berkarar döwletiň täze eýýamynyň Galkynyşy döwründe ýurdumyzyň bitaraplyk taglymatynyň umumadamzadyň bähbidine hyzmat edýändigini, döwletimiziň dünýä halklarynyň abadan ýaşaýşy ugrunda tagallalaryny gaýgyrmaýandygyny görkezdi. Maslahatyň deňze çykalgasy bolmadyk ösüp barýan döwletleriň durnukly ösüşini gazanmakda we belent sepgitere ýetmeginde möhüm şertleri döredendigini bellemek gerek.

Goý, berkarar Watanymyzy dost-doganlygyň mekanyna öwren we onuň halkara abraýyny has-da belende göterýän Gahryman Arkadagymyzyň, hormatly Prezidentimiziň janlary sag, ömürleri uzak bolup, badalga berýän il-ýurt bähbitli, umumadamzat ähmiýetli beýik işleri hemişe rowaçlyklara beslensin!