Şu gün Türkmenistanyň Senagatçylar we telekeçiler partiýasynyň Aşgabat şäher komitetiniň gurnamagynda «Maksatly Türkmen» hojalyk jemgyýetinde «BMG-niň Awaza forumy: hyzmatdaşlyk arkaly ösüşi ilerledýär» atly wagyz-nesihat çäresi geçirildi. 

Çykyşlarda: şu ýy­lyň 4 – 8-nji aw­gus­ty ara­lygyn­da «Awa­za» mil­li sy­ýa­hat­çy­lyk zo­la­gyn­da ge­çi­ril­jek Bir­le­şen Mil­letler Gu­ra­ma­sy­nyň Deň­ze çy­kal­ga­sy bol­ma­dyk ösüp bar­ýan ýurt­lar boýun­ça üçün­ji mas­la­ha­ty dün­ýä­niň iň iri hal­ka­ra gu­ra­ma­la­ry­nyň Türk­menis­ta­nyň müm­kin­çi­lik­le­ri­ne ber­ýän ýo­ka­ry ba­ha­sy­nyň be­ýa­ny bo­lar. Şol bir wag­tyň özün­de bol­sa Wa­ta­nymy­zyň hal­ka­ra gi­ňiş­li­gin­dä­ki be­lent ab­ra­ýy­nyň ny­şa­ny­na öw­rü­ler.

 13-nji iýul­da türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedowyň gu­ra­ma­çy­lyk döw­let to­pa­ry­nyň şu ýy­lyň 4 – 8-nji awgusty aralygynda «Awaza» milli sy­ýa­hat­çy­lyk zo­la­gyn­da Bir­le­şen Mil­let­ler Gu­ra­ma­sy­nyň Deň­ze çy­kal­ga­sy bol­ma­dyk ösüp bar­ýan ýurt­lar bo­ýun­ça üçün­ji mas­la­ha­tyna taý­ýar­lyk gör­mä­ge ba­gyş­la­nan mas­la­ha­ty­ny ge­çir­me­gi hem bu ugur­da uly iş­le­riň al­nyp ba­ryl­ýan­dygy­ny gör­kez­di. On­da hal­ka­ra masla­ha­ty we onuň çäk­le­rin­de gu­ral­jak ugur­daş çä­re­le­ri ýo­ka­ry gu­ra­maçy­lyk de­re­je­sin­de ge­çir­mek bi­len bag­ly me­se­le­le­re se­re­dil­di hem-de şu wag­ta çen­li ýe­ri­ne ýe­ti­ri­len iş­le­re ba­ha ber­lip, öň­de du­ran we­zi­pe­ler kes­git­le­nil­di. 

Bäş gün­läp do­wamet­jek çäre­le­re deň­ze çy­kal­ga­sy bol­ma­dyk ösüp bar­ýan ýurt­la­ryň dü­zü­mi­ne gir­ýän 32 döw­le­tiň hem-de BMGniň gy­zyk­lan­ma bil­dir­ýän beý­le­ki ag­za ýurt­la­ry­nyň döw­let hem-de hö­kü­met Baş­tu­tan­la­ry­nyň, Bir­le­şen Mil­let­ler Gu­ra­ma­sy­nyň Baş sek­reta­ry­nyň we onuň orun­ba­sar­la­ry­nyň gat­naş­ma­gy­na ga­ra­şyl­ýar. Şeý­le hembir­nä­çe hal­ka­ra, se­bit gu­ra­mala­ry­nyň, ka­nun çy­ka­ry­jy eda­ra­la­ryň, ma­li­ýe ins­ti­tut­la­ry­nyň, jem­gy­ýet­çi­lik bir­le­şik­le­ri­niň hem-de hu­su­sy pu­dagyň ýol­baş­çy­la­ry­nyň we we­kil­le­ri­niň gel­me­gi me­ýil­leş­di­ril­ýär.

 El­bet­de, 7 esa­sy ug­ry öz içi­ne al­jak çä­re­ler hal­ka­ra gi­ňiş­li­gin­de yg­ty­bar­ly hyz­mat­daş hök­mün­de ta­nal­ýan ýur­du­my­zyňmüm­kin­çi­likle­ri­ni ýe­ne bir ýo­la dün­ýä ýa­ýar.

Goý, ýur­du­my­zy be­ýik ösüş­ler bi­len öňe alyp bar­ýan Gah­ry­man Ar­ka­da­gy­my­zyň, Ar­ka­dag­ly Gahryman Ser­da­ry­my­zyň il-ýurt bäh­bit­li döw­let­litu­tum­la­ry el­my­da­ma ro­waç, halkymyz agzybir hem bagtyýar bolsun!