2021-nji ýylyň fewral aýynyň 24-ne Türkmenistanyň Senagatçylar we telekeçiler partiýasynyň Daşoguz welaýat komitetiniň guramagynda,  Daşoguz agrosenagat orta hünär okuw mekdebiniň ýaşlary bilen “Garaşsyzlyk ýyllarynda ýetilen arzyly menziller” atly maslahat geçirildi. Maslahata Türkmenistanyň Senagatçylar we telekeçiler birleşmesiniň telekeçiler mekdebi jemgyýetçilik guramasy kärhanasynyň Daşoguz welaýat bölüminiň hem-de  “Türkmenistan”  Ýaşlar bedenterbiýe - sport guramasynyň Daşoguz welaýat bölüminiň wekilleri hem gatnaşdylar. Sanly ulgamyň mümkinçiliklerinden ýerlikli peýdalanyp bu maslahata Daşoguz welaýat maliýe-ykdysady orta hünär okuw mekdebiniň talyp ýaşaram sanly wideo aragatnaşygy arkaly online görnüşinde goşuldylar. Maslahatyň başynda TSTP-niň  Daşoguz welaýat komitetiniň partiýa guramaçysy Bekmyrat Piriýew, berkarar Watanymyzda Garaşsyzlyk ýyllarynda Gahryman Arkadagymyzyň saýasynda ýetilen belent sepgitler barada we Garaşsyzlygymyzyň 30 ýyllyk  şanly baýramçylygyna hususyýetçileriň görýän taýýarlyklary dogrusynda buýsançly çykyş etdi. Şeýle-de ýaş telekeçileriň öňünde çäksiz mümkinçilikleriň açylýandygyny aýdyp, Türkmenistanyň Senagatçylar we telekeçiler partiýasynyň işjeň agzalary bolan Daşoguz Agrosenagat orta hünär okuw mekdebinde we Daşoguz welaýat maliýe-ykdysady orta hünär okuw medebinde bilim alýan ýaşlary bar bolan mümkinçilikerden ýerlikli peýdalanmaklyga çagyrdy. 

   Ýerine ýetirilen çykyşlarda Garaşsyzlyk ýyllarynda ýetilen sepgitler barada buýsanç bilen bellenildi. Şeýle-de ýaşlara hususy ulgam barada başlangyç bilimleri bermek üçin telekeçiler mekdebinde  okadylýan möhüm ugurlar barada  giňişleýin maglumatlar ýetirildi. Soňra “Türkmenistan”  Ýaşlar bedenterbiýe - sport guramasynyň Daşoguz welaýat bölüminiň hünärmeni Garaşsyzlyk ýyllarynda sportda ýetilen uly sepgitler barada aýdyp, ýaşlara sport bilen bagly telekeçilik işini guramagy maslahat berdi. Şeýle-de bu ugurda dürli türgenleşik we fitnes zallaryny açan telekeçileriň birnäçesini mysal getirip, ýaşlara sagdyn durmuş ýörelgesine eýermegi wagz etdi.  Çykyş edenler Jan Watanymyz Türkmenistanda ähli ugurlar babatda döredilýän giň mümkinçilikler üçin Gahryman Arkadagymyza alkyş sözlerini uly buýsanç bilen aýtdylar. Goý Dünýäde ykrar edilen Milli Liderimiziň Jany sag, ömri uzak, belent başy elmydama aman bolsun.