Şu gün Türkmenistanyň Senagatçylar we telekeçiler partiýasynyň, Senagatçylar we telekeçiler birleşmesiniň hem-de Aşgabat şäher Halk Maslahatynyň bilelikde gurnamagynda «Hormatly Prezidentimiziň Berkarar döwletiň täze eýýamynyň Galkynyşy döwründe täze ösüşli ýoly» atly maslahat duşuşygy geçirildi. Maslahata gatnaşanlar we onda çykyş edenler ýurdumyzda söwda we telekeçilik ulgamyny hemmetaraplaýyn ösdürmek, hususy pudagyň milli ykdysadyýetimizde eýeleýän ornuny artdyrmak hormatly Prezidentimiziň baştutanlygynda durmuşa geçirilýän «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» strategik ugurlarynyň biridir. Şunda ýurdumyzda döwlet-hususy hyzmatdaşlygyna, hojalygy ýöretmegiň netijeli usullarynyň giňden ornaşdyrylmagyna, bazar gatnaşyklary şertlerinde bu işlere telekeçileriň işjeň çekilmegine uly ähmiýet berilýändigi bellärliklidir. Munuň özi milli ykdysadyýetimiziň ýokary ösüş derejesini üpjün etmek we işjeň maýa goýum syýasatyny dowam etdirmekde, ýurdumyzyň ykdysady kuwwatyny pugtalandyrmaga, ilatyň ýaşaýyş-durmuş şertlerini has-da gowulandyrmaga gönükdirilen çäreleri yzygiderli durmuşa geçirmekde, sebitleýin maýa goýum işjeňligini kämilleşdirmekde, ýurdumyzy senagat taýdan ösen döwlete öwürmekde, ykdysadyýeti diwersifikasiýalaşdyrmakda, sanly ykdysadyýete uýgunlaşan özgertmeleri üstünlikli amala aşyrmakda, täze iş orunlaryny döretmekde uly itergi berýär. Şu nukdaýnazardan Hormatly Prezidentimiz taýsyz tagallalary bilen Watanymyzyň ykdysady kuwwatyny artdyrmak we halkymyzyň hal ýagdaýyny has-da gowulandyrmak ugrunda ýaýbaňlandyrylan giň möçberli özgertmeleriň netijesinde ýurdumyzyň syýasy, medeni we durmuş ulgamlarynda uly üstünlikler gazanyldy. Täze taryhy döwürde ykdysadyýetimiziň ähli pudaklary sazlaşykly ösüş ýoluna düşüp, täze önümçilik kuwwatlyklary emele geldi. Bu bolsa ýurdumyzyň ykdysadyýetiniň ösmegine, halkymyzyň ýaşaýyş durmuş derejesiniň has-da ýokarlanmagyna oňat ýardam berýär. Munuň özi nurana geljegimiziň has-da ösüşli bolmagyny, nesillerimiziň bagtyýarlygyny üpjün edýär diýip uly buýsanç bilen belläp geçdiler. Maslahatyň ahyrynda oňa gatnaşanlar halkymyzyň bagtyýar durmuşynyň pugtalanmagy we ösüp gelýän ýaş nesilleriň ukyp başarnyklaryny açyk görkezmekleri ugrunda edilýän alada üçin Türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza hoşallyk sözlerini beýan etdiler.