2021-nji ýylyň 29-njy iýulynda Türkmenistanyň Senagatçylar we telekeçiler partiýasynyň mejlisler jaýynda Türkmenistanyň Senagatçylar we telekeçiler partiýasynyň Merkezi Geňeşiniň hem-de Türkmenistanyň Senagatçylar we telekeçiler birleşmesiniň gurnamagynda “Arkadagyň ak ýoly – Halkymyzyň bagt ýoly” atly dabaraly maslahat geçirildi.

Maslahatda çykyş edenler Hormatly Prezidentimiziň parasatly baştutanlygynda ata Watanymyz uly ösüşleriň aýdyň ýolundan bedew bady bilen öňe barýar. «Türk­me­nis­tan — pa­ra­hat­çy­ly­gyň we ynanyşmagyň Watany» ýylynda mukaddes Garaşsyzlygymyzyň şanly 30 ýyllyk baýramçylygyna barýan günlerimizde ýerine ýetirilýän işler  her bir raýatyň buýsanjyny goşalandyrýar. Hormatly Prezidentimiz turuwbaşdan ýurdumyzy düýpgöter täzeden gurmak, ýagny ähli obalardyr şäherleriň etrap we welaýat merkezleriniň şeýle-de, baş şäherimiz Aşgabadyň binagärlik keşbini döwrüň ösen talaplaryna laýyk ösdürmek baradaky parasatly syýasaty öňe sürdi. Bu gün şol syýasatyň iňňän öňdengörüjilikli, hakyky pähim-parasatyň esasynda kemala gelendiginiň we oýlanyşykly durmuşa geçirilýändiginiň şaýady bolýarys. Ylmy-tehniki ösüşiň iň soňky gazananlary bolan innowasion tehnologiýalar ornaşdyrylyp enjamlaşdyrylan durmuş-ykdysady, ylym-bilim, saglyk, medeni we sport maksatly desgalaryň gurlup, halkyň hyzmatyna berilmegi ýurduň beýleki pudaklarynda durmuşa geçirilýän düýpli özgertmeleriň tiz hem ýokary hilli ýerine ýetirilmegine uly ýardam edýär diýip öz çykyşlarynda belläp geçdiler.

Maslahatda çykyş edenler Hormatly Prezidentimiziň janynyň sag, ömrüniň uzak, il-ýurt bähbitli, eziz Watanymyz, umumadamzat ähmiýetli tutýan tutumly işleriniň mydama beýläk rowaçlyklara beslenmegini arzuw etdiler!

Şeýle hem dabaraly maslahatda Türkmen Milli konserwatoriýasynyň aýdymçy-sazandalar topary çykyş etdiler.