Şu gün Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Maliýe orta hünär okuw mekdebiniň kiçi mejlisler jaýynda ýurdumyzyň ýokary we orta hünär orta mekdeplerinde bilim alýan ýaşlary telekeçilik işine çekmek maksady bilen, «Bedew batly zamanamyzda telekeçilige giň ýol» atly düşündiriş-wagyz çäresi geçirildi. 

Duşuşygyň dowamynda partiýanyň işgärleri we telekeçiler çykyş edip, ýaşlary telekeçilik işine utgaşdyrmak we höweslendirmek maksady bilen, alyp barýan işleri we iş tejribeleri bilen tanyşdyrdylar. 

Şeýle-de, Halkyň Milli Lideri Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda toýlar toýlara beslenýän diýarymyzda halkymyza berilýän goldaw hemaýatlary, Hormatly Prezidentimiziň ýaşlaryň ýagty gelejegi ugrunda edýän atalyk aladalary barada täsirli gürrüňler edildi. 

Duşuşyga gatnaşyjylar mundan beýläk-de bedew batly ösýän ýurdumyzyň ösüşine öz goşantlaryny goşjakdyklaryny ynandyrdylar. Gahryman Arkadagymyza, Arkadagly Gahryman Serdarymyza öz hoşallygyny we alkyş sözlerini aýtdylar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.