2021-nji  ýylyň  28-nji  aprelinde Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda “Döwletli-Döwran” hojalyk jemgyýetinde telekeçilik işine höwes bildirýän ýaşlaryň arasynda “Biz-Arkadagly ýurduň eziz ýaşlary” atly wagyz-nesihat duşuşygy geçirildi.

            Geçirilen bu duşuşyk örän täsirli bolup, çykyş edenler öz çykyşynda Gahryman Arkadagymyzyň saýasynda telekeçileriň ýeten belent sepgitleri, ýurdumyzda gurulan iri senagat kärhanalary,  kärhananyň öndürýän önümleri, özleriniň alyp barýan işleri dogrusynda giňişleýin gürrüň etdiler. Berkarar döwletimiziň bagtyýarlyk döwründe Gahryman Arkadagymyzyň taýsyz  aladalarynyň netijesinde gazanylýan ajaýyp üstünlikler ýaş telekeçileri täze başlangyçlara ruhlandyrýandygyny aýtdylar. Ýaş nesil baradaky alada döwlet syýasatynda ileri tutulýan ugurlaryň biri hökmünde kesgitlenilýär. Ösüp gelýän ýaş nesliň bagtyýarlygy ugrunda dünýä nusgalyk işleri durmuşa geçirýän Gahryman Arkadagymyzyň ýaşlary hemme taraplaýyn goldamak we milli ruhda terbiýeläp ýetişdirmek baradaky tagallalary her ädimde aýdyňlygy bilen duýulýandygyny aýdyp, ýaş telekeçileri täze başlangyçlara ugrukdyrmak üçin, saýlan telekeçilik işiniň görnüşi boýunça olaryň arasynda  ýaşuly telekeçiler bilen duşuşyklary gurnap, degerli maslahatlary bermelidiris. Telekeçilik işine höwes bildiren ýaşlaryň pikir-garaýyşlary bilen yzygiderli tanyş bolup durmalydyrys diýip öz çykyşlarynda aýtdylar.

               Çykyşlaryň dowamynda döwrebap ýaşlary ýetişdirmek üçin dünýä nusgalyk işleri durmuşa geçirýän Arkadag Prezidentimiziň janynyň sag, ömrüniň uzak bolmagyny, işleriniň rowaçlyklara beslenmeg