Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Lebap welaýat maliýe ykdysadyýet orta hünär okuw mekdebiniň mejlisler jaýynda partiýa agzalarynyň, talyplaryň we bilim işgärleriniň gatnaşmaklarynda «Türkmenistanyň Halk Maslahaty – halk bähbidine gönükdirilen beýik işler» atly wagyz-nesihat duşuşygy geçirildi.

Duşuşygyň dowamynda türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň ýolbaşçylygynda geçirilen Türkmenistanyň Halk Maslahatynyň il-ýurt bähbitli ähmiýeti we Türkmenistanyň Halk Maslahatynyň nobatdaky mejlisinde edilen taryhy çykyşlar barada gürrüňler edildi. Şeýle-de duşuşyga gatnaşan partiýa agzalarynyň buýsançly gürrüňleri diňlendi.     

Duşuşygyň dowamynda oňa gatnaşyjylar Gahryman Arkadagymyza, Arkadagly Gahryman Serdarymyza işlemek, asuda-parahat ýaşamak, dynç almak üçin döredip berýän ähli mümkinçiliklerine öz hoşallygyny  we alkyş sözlerini aýtdylar. Hormatly Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.