Türkmenistanyň Senagatçylar we telekeçiler partiýasynyň Lebap welaýat komitetiniň  gurnamagynda Türkmenabat şäheriniň Derýaçylyk orta hünär okuw mekdebiniň mejlisler zalynda talyplaryň, türgenleriň we ýaş sport söýüjileriň gatnaşmaklarynda “Sagdyn bedende sagdyn ruh” atly wagyz-nesihat çäresi geçirildi.

Geçirilen çärede ýurdumyzda aprel aýynyň dowamynda ýaýbaňlandyrylan sport çäreleri, bäsleşikler we wagyz-nesihat ýygnaklary, diýarymyzyň batly depginli ösüşi, Hormatly Gahryman Prezidentimiziň, Gahryman Arkadagymyzyň bu ugurda ýaşlar üçin edýän atalyk aladalary, döredilip berilýän mümkinçilikler barada täsirli gürrüňler edildi. 

Şeýle mümkinçilikleri döredip berendigi üçin  Gahryman Arkadagymyza we Arkadagly Gahryman Serdarymyza alkyş sözlerini aýtdylar hem-de janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.