Türkmenistanyň Senagatçylar we telekeçiler partiýasynyň  Aşgabat şäher  komitetiniň gurnamagynda 2024-nji ýylyň 4-nji martynda Halkara zenanlar güni mynasybetli Abadan haly açyk görnüşli paýdarlar jemgyýetinde “Dünýäniň gözelligine has-da gözellik goşýan mährem zenanlar” atly baýramçylyk çäresi geçirildi. Geçirilen baýramçylyk çäresinde Abadan haly açyk görnüşli paýdarlar jemgyýetinde  zähmet çekýän gyz-gelinlere  halkara zenanlar güni mynasybetli gutlag sözleri aýdyldy. Şeýle-de partiýanyň işjeň agzalaryna Türkmenistanyň Senagatçylar we telekeçiler partiýasynyň Aşgabat şäher  komiteti tarapyndan taýýarlanylan ýörite sowgatlar gowşuryldy. Baýramçylyk çäresine gatnaşan gyz-gelinler şeýle mümkinçilikleri döredip berendigi üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.