Türkmenistanyň Senagatçylar we telekeçiler partiýasynyň Daşoguz welaýat komitetiniň guramagynda Daşoguz welaýatynyň Maliýe-ykdysady orta hünär okuw mekdebiniň mejlisler jaýynda Türkmenistanyň Halk Maslahatynyň Prezidiumynyň mejlisinde 2024-nji ýylda ýerine ýetirilmeli işleriň Meýilnamasynyň kabul edilmegine bagyşlanyp “Öňde goýlan belent maksatlar we ileri tutulýan ugurlar” atly maslahaty geçirildi. Berkarar döwletiň täze eýýamynyň Galkynyşy döwründe “Pähim-paýhas ummany Magtymguly Pyragy” ýyly turuwbaşdan zähmet üstünlikleri we şanly wakalar bilen başlandy. Şu ýylyň fewral aýynyň 9-na geçen Ministrler Kabinetiniň giňişleýin mejlisinde Arkadagly Gahryman Serdarymyzyň “Türkmenistany 2024-nji ýylda durmuş ykdysady taýdan ösdürmegiň we maýa goýum Maksatnamasyny” tassyklamagy we 22-nji fewralynda Türkmenistanyň Halk Maslahatynyň Prezidiumynyň mejlisinde 2024-nji ýylda ýerine ýetirilmeli işleriň Meýilnamasynyň kabul edilmegi bolsa ýurdumyzy ösdürmek, halkymyzy bol-elin durmuşda ýaşatmak üçin gönükdirilen bolup durýar. Meýilnamanyň çäklerinde şu ýylyň dowamynda ýurdumyzy mundan beýläk hem ösdürmek ugrunda alnyp barylmaly işler aýdyň kesgitlenen bolup durýar. Şeýle hem “Magtymguly Pyragynyň 300 ýyllygyna” atly ýubileý medalynyň döredilmegi geçirilen maslahatyň dowamynda bellenilip geçildi. Geçirilen maslahat ýurdumyzy ösdürmek babatda alyp barýan taýsyz tagallalary üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza hoşallyk sözleri bilen jemlendi.