2024-nji ýylyň 16-njy fewralynda Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda “Goşa depe” hojalyk jemgyýetinde “Watanyň buýsançly bagtyýar ýaşlary” atly düşündiriş-wagyz çäresi geçirildi. Türkmen halkynyň Milli Lideri Gahryman Arkadagymyzyň beýik işlerini mynasyp dowam etdirýän Arkadagly Gahryman Serdarymyzyň taýsyz tagallasy bilen ýurdumyzda ýaş nesilleriň kämil ylym bilim almagy, zähmet çekýän kärinde hünär öwrenmegi, sport bilen meşgullanmagy, saýlap alan hünärleriniň hakyky eýeleri bolup ýetişmegi üçin giň şertler döredilýär. Türkmenistanyň ýaşlar barada alyp barýan döwlet syýasatynyň çäklerinde ýaşlary telekeçilige çekmek baradaky wezipelerinden ugur alyp ýaşlaryň arasynda wagyz-nesihat duşuşyklary geçirilýär. Hormatly Prezidentimiziň işewürlere döredip berýän mümkinçilikleri telekeçileri täze zähmet üstünliklerine belent sepgitlere ruhlandyrdy. Ýaş telekeçilere şeýle işleri ýerine ýetirmeklige hem-de ikitaraplaýyn işewürlik gatnaşyklary ösdürmeklige hemme taraplaýyn berýän goldawlaryna Gahryman Arkadagymyza we Arkadagly Gahryman Serdarymyza çäksiz sagbolsunlarymyzy aýdýarys! Gahryman Arkadagymyzyň, Arkadagly Gahryman Serdarymyzyň janlary sag, belent başlary aman bolsun! Il-ýurt bähbitli döwlet ähmiýetli alyp barýan işleri rowaçlyklara beslensin!