Şu gün Türkmenistanyň Senagatçylar we telekeçiler partiýasynyň Balkan welaýat komitetiniň gurnamagynda Türkmenistanyň Türkmenbaşy şäherindäki deňizçilik orta hünär okuw mekdebiniň mejlisler jaýynda «Hormatly Prezidentimiziň parasatly daşary syýasaty – parahatçylygyň we rowaçlygyň ýoly» atly maslahat geçirildi.

Türkmenistan döwletimiz Garaşsyzlyk we Bitaraplyk ýyllary içinde dünýä jemgyýetçiliginde jogapkärli we parahatçylykly söýüji hyzmatdaş hökmünde tanatdy. Häzirki döwürde Hormatly Prezidentimiz Arkadagly Gahryman Serdarymyzyň baştutanlygynda durmuşa geçirilýän daşary syýasat ýurdumyzyň halkara abraýyny has-da belende göterýär. 

Hormatly Prezidentimiziň parasatly öňdengörüjilik daşary syýasaty Türkmenistanyň dünýädäki abraýyny barha artdyrýar. Parahatçylygyň, dostlugyň we rowaçlygyň ýoly bolan Bitaraplyk ýörelgeleri häzirki wagtda ýurdumyzyň abadançylygynyň berk binýadyna öwrüldi.

Goý, Türkmenistanyň parahatçylyk söýüji daşary syýasaty mundan beýläk-de rowaçlyklara beslenip, bütindünýäde durnuklylygyň we hyzmatdaşlygyň dabaralanmagyna goşant goşsyn!