Türkmenistanyň Senagatçylar we telekeçiler partiýasynyň Ahal welaýat komitetiniň gurnamagynda «Türkmen şöhle» hojalyk jemgyýetinde geçirilen «Telekeçilik — milli ykdysadyýetiň altyn gaznasy» atly wagyz-nesihat çäresi ýurdumyzda hususy telekeçiligi we işewürligi ösdürmäge berilýän aýratyn ähmiýeti wagyz etmekde möhüm ädim boldy.

Bu çäre hormatly Prezidentimiziň baştutanlygynda milli ykdysadyýetimizi diwersifikasiýa ýoly bilen ösdürmekde, bäsdeşlige ukyply önümçilik ulgamyny berkitmekde telekeçileriň eýeleýän ornuny giňden açyp görkezdi. Döwrebap kärhanada guralan bu duşuşyk zähmet adamlarynyň işjeňligini ýokarlandyrmaga, ýurdumyzda işewürlik we telekeçilik hem-da kiçi we orta biznes üçin döredilýän giň mümkinçilikleri ýerlikli ulanmaga uly ruhubelentlik berýär. 

Hususy telekeçiligi goldamaga, ýurdumyzyň ykdysady kuwwatyny yzygiderli pugtalandyrmaga we telekeçiler üçin döwrebap şertleri döredip berýän hormatly Prezidentimize hem-de Gahryman Arkadagymyza tüýs ýürekden çäksiz sagbolsun aýdýarys.