2024-nji ýylyň 6-njy ýanwarynda Türkmenistanyň Senagatçylar we telekeçiler partiýasynyň edara binasynyň mejlisler jaýynda Türkmenistanyň Senagatçylar we telekeçiler partiýasynyň Aşgabat şäher, Ahal welaýat komitetleriniň hem-de Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde gurnamagynda 2024-nji ýyly “Pähim – paýhas ummany Magtymguly Pyragy” diýip yglan edilmegi mynasybetli “Magtymguly Pyragy – dünýä danasy” atly maslahat geçirildi. Maslahatyň başynda oňa gatnaşanlar 2024-nji ýyly beýik akyldar şahyrymyz Magtymguly Pyragynyň 300 ýyllyk ýaşyna bagyşlanyp “Pähim – paýhas ummany Magtymguly Pyragy” diýip yglan edilmegi bilen tüýs ýürekden gutladylar. Maslahatyň dowamynda onda çykyş edenler üstünliklere beslenip gelýän ýyllaryň her biri taryha altyn sene bolup ýazylýandygyny tassyklap, Türkmenistanyň Mejlisiniň karary bilen, beýik maksatlar bilen gadam basan täze — 2024-nji ýylymyzyň «Pähim-paýhas ummany Magtymguly Pyragy» ýyly diýlip yglan edilmegi halkymyzyň göwün guşuny ganatlandyrandygyny, munuň özi Berkarar döwletiň täze eýýamynyň Galkynyşy döwründe söz mülkünden köşk gurup, adamzat dünýäsiniň ruhy gymmatlygyna öwrülmegi başaran dana Magtymguly Pyragynyň sarpasynyň has hem belent tutulýandygynyň ýene-de bir aýdyň beýanydygyny tassyklap ýurdumyzada alnyp barylýan ýokary derejeli syýasy we medeni wakalar barada gürrüň etdiler. Maslahatyň ahyrynda oňa gatnaşanlar Milli mirasymyzy öwrenmekde we dünýä ýaýmakda bimöçber işleri alyp barýan türkmen halkynyň Milli Lideri Gahryman Arkadagymyzyň hem-de hormatly Prezidentimiziň janlarynyň sag, ömürleriniň uzak bolmagyny, tutýan tutumly işleri elmydama rowaçlyklara beslenmegini tüýs ýürekden arzuw etdiler.