Şu ýylyň 15-nji noýabrynda Türkmenistanyň Senagatçylar we telekeçiler partiýasynyň Merkezi Geňeşiniň edara binasynyň mejlisler jaýynda Türkmenistanyň Senagatçylar we telekeçiler partiýasynyň hem-de Türkmenistanyň Senagatçylar we telekeçiler birleşmesiniň bilelikde gurnamagynda “Türkmenistanyň Ykdysady Hyzmatdaşlyk Guramasy bilen köpugurly hyzmatdaşlyk etmegi parahatçylyk söýüjilik, oňyn Bitaraplyk, ýörelgelerine esaslanýan daşary syýasatynyň esasy ugurlarynyň biridir” atly maslahat duşuşygy geçirildi. Maslahat duşuşygyň başynda oňa gatnaşanlar şu aýyň 9-njy noýabrynda Daşkent şäherinde geçirilen Ykdysady Hyzmatdaşlyk guramasynyň 16-njy sammitiniň geçirilmeginiň guramanyň agza ýurtlarynyň ykdysadyýetiniň mundan beýläkde ýokary depginlere ýetirmekleri üçin mümkinçilikleriň döredilmegini, söwda we önümçilik işler, şeýle hem sebitde parahatçylygy wagyz etmäge mümkinçilik döretýändiginiň ähmiýeti barada belläp geçdiler. Şeýle hem, Hormatly Prezidentimiziň şol sammitdäki taryhy çykyşynda beýan eden möhüm başlangyçlarynyň ählisi hem häzirki zaman dünýäsinde ygtybarly hyzmatdaşlygy berkitmäge ýardam etjek netijeli gurallardygy, hususan-da, döwlet Baştutanymyz Sanly tehnologiýalar we elektron söwda boýunça YHG-nyň Çarçuwaly Ylalaşygyny işläp taýýarlamagy, anyk maglumatlary, teklipleri, işewürlik taslamalaryny we beýleki zerur maglumatlary öz içine alýan Maglumat portalyny döretmek baradaky pikire, şeýle-de Bilelikdäki ulag-logistika merkezlerini döretmek baradaky meselä seretmegi teklip etmeginiň Türkmenistanyň başlangyçlary netijesinde sebitde netijeli ykdysady kuwwaty döretmäge mümkinçiligiň dörejekdigi barada uly buýsanç bilen gürrüň etdiler. Maslahat duşuşygyň ahyrynda oňa gatnaşanlar ajaýyp Watanymyz Türkmenistany dünýäde ösüşiň we parahatçylygyň watany hökmünde tanadan Gahryman Arkadagymyza, Arkadagly Gahryman Serdarymyza tüýs ýürekden öz sagbolsunlaryny aýtdylar.