Türkmenistanyň Senagatçylar we telekeçiler partiýasynyň Balkan welaýat komitetiniň gurnamagynda Bereket etrabynyň Çeper halyçylyk kärhanasynyň mejlisler jaýynda “Türkmenistan – Türkiýe: özara bähbitli döwletara gatnaşyklaryň möhüm ugurlary” atly maslahat geçirildi.

Döwlet Baştutanymyzyň Türkiýe respublikasyna resmi sapary we öňde boljak ýokary derejedäki duşuşyk däp bolan gatnaşyklary çuňlaşdyrmagyň ýolunda nobatdaky ädim bolmak bilen, iki ýurduň döwlet ösüşiniň ilkinji nobatdaky wezipelini  hasaba almak arkaly özara gyzyklanmalaryň çägini giňeltmek, has netijeli we döwrüň talap edýän görnüşlerini, gurallaryny gözlemek hem-de durmuşa geçirmek esasynda onuň üstüni ýetirmek işinde-de wajyp ähmiýete eýedir.

Türkmen halkyny ösüşleriň täze belentliklerine tarap alyp barýan Arkadagly Serdarymyzyň beýik başlangyçlaryna, uly tutumlaryna hemişe rowaçlyklaryň hemra bolmagyny, janynyň sag, ömrüniň uzak bolmagyny arzuw edýäris.