2023-nji ýylyň 4-nji oktýabrynda Türkmenistanyň Senagatçylar we telekeçiler partiýasynyň edara binasynyň mejlisler jaýynda Türkmenistanyň Senagatçylar we telekeçiler partiýasynyň hem-de Türkmenistanyň Senagatçylar we telekeçiler birleşmesiniň bilelikde gurnamagynda “Türkmenistanyň Halk Maslahatynyň mejlisi - döwlet Garaşsyzlygynyň, jebisligiň, döwletliligiň dabaralanmasy” atly maslahat geçerildi. Maslahatda ýurt Garaşsyzlygymyzyň şanly 32 ýyllygynyň giňden toýlanylýan günlerinde Aşgabat şäherinde geçirilen Türkmenistanyň Halk Maslahatynyň mejlisinde kabul edilen Kararlar, çözgütler hem-de olary durmuşa geçirmegiň anyk ýollary dogrusynda jikme-jik gürrüň edildi. Şonuň ýaly-da çykyş edenler şu taryhy forumda hormatly Prezidentimize Türkmenistanyň Gahrymany diýen belent adyň dakylandygyny buýsanç bilen bellediler. Ata Watanymyzy ösüşler ýoly bilen öňe alyp barýan, türkmen halkynyň eşretli durmuşda ýaşamagy ugrunda irginsiz aladalanýan Arkadagly Gahryman Serdarymyz şeýle belent ada mynasyp beýik Şahsyýetdigi, şeýle hem,häzirki wagtda ýurdumyz uly ösüş-özgertmeleri başdan geçirýändigini, munda her bir türkmenistanlynyň mynasyp goşandy bolmalydygy dogrusynda hem durup geçdiler. Maslatyň ahyrynda onda çykyş edenler Berkarar Diýarymyzy gurmagyň we döretmegiň röwşen ýoly bilen ösüşleriň täze belentliklerine alyp barýan Milli Liderimiziň, Arkadagly Gahryman Serdarymyzyň janlarynyň sag, ömürleriniň uzak bolsun, il-ýurt bähbitli alyp barýan işleriniň rowaçlyklara beslenmegini arzuw etdiler.