2023-nji ýylyň 16-njy maýynda Türkmenistanyň Senagatçylar we telekeçiler partiýasynyň mejlisler jaýynda Türkmenistanyň Senagatçylar we telekeçiler partiýasynyň Merkezi Geňeşiniň gurnamagynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli “Türkmenistanyň Konstitusiýasy we Döwlet baýdagy – ýurt Garaşsyzlygynyň mukaddes nyşanlary” atly maslahat geçirildi. Maslahatyň barşynda oňa gatnaşanlar Ga­raş­syz, he­mi­şe­lik Bi­ta­rap ýur­du­my­zyň Kons­ti­tu­si­ýa­sy we Döw­let baý­da­gy eziz Wa­ta­ny­my­zyň şöh­rat­ly geç­mi­şi­niň su­but­na­ma­sy­dyr, hä­zir­ki bag­ty­ýar gü­nü­niň hem-de be­ýik gel­je­gi­niň şug­la­sy­dyr, mil­li döw­let­li­lik ýö­rel­ge­le­ri­mi­ziň syn­maz­ly­gy­ny, ebe­di­li­gi­ni yk­rar ed­ýän mil­li gym­mat­ly­gy­myz­dyr diýip belläp geçdiler. Şeýle hem, ada­my jem­gy­ýe­tiň we döw­le­tiň iň ýo­ka­ry gym­mat­ly­gy hök­mün­de yk­rar ed­ýän Esa­sy Ka­nu­ny­my­za, mil­li döw­let­li­li­gi­mi­ziň mö­hüm ny­şa­ny bo­lan Döw­let baý­da­gy­my­za hal­ky­myz çäk­siz buý­san­ýar we uly hor­mat goý­ýar diýip uly buýsanç bilen gürrüň etdiler. Maslahata gatnaşanlar Berkarar döwletimiziň baýdagyny dünýäň öňünde belent parlamagyny eziz halkymyza gazanyp beren Hormatly Arkadagymyza, Arkadagly Serdarymyza tüýs ýürekden sagbolsunlaryny aýtdylar.